5-июнда өлкөнүн коррупцияга каршы кызматы билим берүү жана илим министринин орун басарына каршы иш козголгонун маалымдаган. Бирок мекеме шектүүнүн аты-жөнүн атаган эмес.
Өткөн айда коррупцияга каршы кызмат улуттук тест тапшыруу борборунун башчысы Рамзан Алимкуловго карата териштирүү иштери башталганын кабарлаган.
47 жаштагы Элмира Суханбердиева 2016-жылы вице-министр болуп дайындалганга чейин шаардык билим берүү башкармалагын жетектеген. 2007-2009-жылдары республикалык “Казакстан” телерадиокорпорациясынын жетектөөчү кызматтарын аркалаган.
Казакстан президенти Касым-Жомарт Токаев май айында “кол алдында иштегендер коррупциялык кылмыштарга барса, жетекчилери отставкага кетиши керек” деп билдирген.
Эл аралык Transparency International уюмунун иликтөөсүнө ылайык, Казакстан көп жылдардан бери коррупциялашкан өлкөлөрдүн катарында.