Ссылки доступа

Қозоғистонда контрабанда учун ушланганларнинг қариндошлари Қирғизистон президентига мурожаат қилдилар


Суд в Алматы. 2 ноября 2018 года.
Суд в Алматы. 2 ноября 2018 года.

Контрабанда айби бўйича ҳукм қилинган ҚР фуқаролари Уланбек Мурадилов ва Чингиз Абакировларнинг қариндошлари ҚР президентига мурожаат қилдилар. Улар парламентнинг собиқ депутати Дамирбеком Асилбек уулу билан бирга ушлаган эди.

Қариндошлар уларнинг айбсизлигини исботлаш имконияти яратиб берилишига ёрдам кўрсатишни илтимос қилишмоқда. Уланбек Мурадиловнинг укаси Нурлан ихтисослаштирилган Олмаота туманлараро судининг қарорига норози эканлигини билдирди. Унинг фикрича, суд жиноий ишни адолатсиз кўриб чиққан.

«Кўриниб турибди, акам ва у билан бўлган бошқа одамларга нисбатан қарор адолатсиз, бир томонлама чиқарилган - дейди Нурлан.- Биз адвокатлар орқали барча далиларни тақдим қилдик. Унда акам айбсиз экани таъкидланади. Биз видеода акамнинг қўлига тушиб қолган пуллар бошқалар томонидан ташлаб қўйилганини кўрсатиб бердик. Аммо бу далиларни тан олишмади. Кучимиз етмади. Биз бошқа мамлакатдан бўлганимиз туфайли бизнинг ҳуқуқларимиз етарли даражада таъминланмади. Шу сабабли биз ҚР президенти Сооронбай Жээнбековга мурожаат қилдик. Биз Қирғизистоннинг тегишли идоралари Қозоғистонга боришларини ва бизларнинг далиларни уларга беришларини сўрадик».

Уланбек Мурадилов 2008 йилда Норин шаҳар кенгашининг депутати этиб сайланган. 2010 йилда эса Норин шаҳар ҳокимининг биринчи ўринбосари этиб тайинланган. Муниципалитетда ишлаганидан кейин, у «Мегаком» компаниясининг Норин филиалида, сўнг Ўшда ишлади.

Чингиз Абакиров Мурадиловнинг ўғли ҳисобланади. Нориндаги мактабни битирганидан сўнг у ўқишни Бишкекда давом эттирди ва пойтахтда ишлаб қолди. Ўтган йили Қозоғистонда у ҳибсга олинганида унинг рафиқаси Мээрим Таалайбекова ҳомиладор эди:

«Мен Чингизнинг рафиқасиман. У уч фарзанднинг отаси. Уни ҳибсга олишганида мен ҳомиладор эдим. Фарзандимиз туғилди, ҳозир у тўққиз ойлик бўлди. Ота-оналари кексайиб қолган, синглиси эса II гуруҳ ногирони. Уй ишларининг ҳаммаси эримнинг зиммасида эди. Эсимда қолгани шуки, кимдир унга қўнғироқ қилди, у шоша-пиша уйдан чиқиб кетди. Кейин биз у Қозоғистон хуқуқ тартибот идоралари томонидан ушланганини билдик. У айбдор эмас, уни Дамирбек Асылбек уулу ва Уланбек Мурадиловга айб қўйиш учун чақиришган. Ҳатто суд вақтида ҳам улар унга қарши бирор бир далил топа олишмади. Шунга қарамай улар жавобгарликка тортилди ва қонунга зид равишда саккиз йил беришди».

24 апрел куни Олмаота шаҳридаги туман суди Дамирбек Асилбек уулуни иккита модда - «Трансмилий уюшган гуруҳ тузиш ва раҳбарлик қилиш», шунингдек «Иқтисодий контрабанда» бўйича айблади. Ҳамда 10 йил муддатга,жазо ўтаб бўлинганидан сўнг беш йил давомида мамлакатга кирмаслик шарти билан ҳукм чиқарди. У билан бирга ҳибсга олинган қирғизистонлик Уланбек Мурадилов ва Чингиз Абакиров 10 ва 8 йил қамоқ жазосига хукм қилинди.

2018 йилнинг 15-16 феврал кунлари Қозоғистон куч ишлатиш салоҳиятига эга идоралари Олмаота шахри, Жанубий Қозоғистон ва Жамбил вилоятларида “божхона соҳасига оид” махсус амалиёт ўтказгани маълум бўлди. Ушланганлар орасида Қирғизистоннинг уч нафар фуқароси, жумладан Жоғорку Кенеш депутатиДамирбек Асылбек уулу ва Уланбек Мурадилов ҳамда Чингиз Абакиров бор эди. Уларга нисбатан «иқтисодий контрабанда» ва «трансмиллий уюшган гуруҳ»га алоқадорлик айби қўйилди.

2018 йил апрелида Қирғизистон МСК Дамирбек Асилбек уулуни депутатлик мандатидан маҳрум қилди. 37 ёшли Дамирбек Асылбек уулу Жўқорғу Кенешга 2015 йилда «Қырғызстан» партияси рўйхати бўйича келган.

10 лет заключения. Приговор экс-депутату Асылбеку уулу
пожалуйста, подождите

No media source currently available

0:00 0:02:20 0:00

XS
SM
MD
LG