Маҳаллий нашрларнинг хабар беришича, Кармана тумани хотин-қизлар қўмитаси раиси Г.Шерматова аёлни кафилликка олгани муносабати билан мана шундай қарор қабул қилинган.
Хабарда билдирилишича, аёл судда “боласини боқа олмаслигини, турмуш ўртоғи ёши катта эканлигини, боласини вояга етказиш учун турмуш ўртоғини умри етмаслигини, болани бир ўзи катта қила олмаслигини, шунинг учун боласини сотишга мажбур бўлганини айтган”.
Кармана туман хотин-қизлар қўмитаси раиси бундан таъсирланган ҳолда, суд аёлга нисбатан қамоқ жазосини қўлламаса, хотин-қизлар қўмитаси раиси сифатида уни тўлиқ назорат қилиши, иш билан таъминлаши, ижтимоий фойдали меҳнат билан шуғулланиш имкониятини яратиб бериши ҳақида судга кафолат хати тақдим қилган.
Суд чақалоғини сотган аёлга тўрт йил озодликни чеклаш жазосини тайинлаган.
“Навоий вилоят болалар кўп тармоқли тиббиёт марказида сақланаётган 2019 йил 4 март куни туғилган Ғ. М. К. ҳукм қонуний кучга киргандан сўнг онасига қайтарилди”, дейилади хабарда.