Жаңа ережеге сәйкес, барлық зергерлік бұйымдарды бағасына қарамастан шетелге алып шығуға кедергі жасалмайды. Бұл жөнінде "Өзбекзаргарсаноати" қауымдастығының төрағасы Нодир Мирахмедов хабарлады.
"Осыған дейін құны 5 мың доллардан асатын бағалы зергерлік бұйымдарды шетелге шығаруға кедергілер болды. Ол үшін арнайы кедендік декларация толтыру керек болған. Мұнан басқа салық төлейтін еді", – деді ол.
Оның сөзінше, Самарқанд немесе Бұхараға баратын туристер арасында бағалы зергерлік бұйымдарды қатты ұнатып, бірақ кедергіге байланысты сатып ала алмай кететін.
"Енді Өзбекстанға барған кез келген адам 5 мың доллардан асатын бағалы зергерлік бұйымдарды да сатып ала алады. Ол үшін тек жолаушы декларациясын толтырады. Оған бар болғаны 2 минөттей уақыт кетеді", – деп атап өтті Нодир Мирахмедов.
Мұнан бөлек зергерлік бұйымдар жасаумен айналысатын, арнайы лицензиясы бар жеке кәсіпкерлер өнімдерін өздері сата алады.