Маҳаллий ОАВнинг хабар қилишича, портлаш Баймагамбетов ва Лермонтов кўчалари кесишган жойда юз берган. Нашр маълумотига кўра, портлаш жамоат овқатланиш пункти ва станция жойлашган бинода қайд қилинди, айнан шу ерга газ жиҳозлари ўрнатилгани яққол кўриниб турибди.
Фавқулотда вазиятлар вилоят департаментининг хабар беришича, портлаш вақтида ТХСда газ жиҳозлари ўрнатилган автомобиль бор эди.
Гувоҳларнинг сўзларига қараганда, портлаш оқибатида бино қулаб тушган ва ёнғин келиб чиққан, жабрланганлар вайроналар остидан олиб чиқилди.
Қостанай вилоят соғлиқни сақлаш бошқармаси матбуот хизматининг 17 июн куни маълум қилишича, шаҳар шифохонасига тўрт киши олиб келинган, улардан икки нафарининг аҳволи ниҳоятда оғир экани айтилмоқда.