Трампнинг таъкидлашича, у “демократларнинг илтимоси”, тўғрироғи Вакиллар палатаси спикери Нэнси Пелоси билан – бўлиб ўтган телефон мулоқоти натижаси ўлароқ бу қарорни кечиктириб туришга рози бўлган. Президентнинг таъкидлашича, мамлакат жанубий чегараларида юзага келган вазият юзасидан “Конгрессдаги ҳар икки партия” мана шумуддат ичида бирор бир қарорга келмайдиган бўлса у ҳолда бу режа ҳаётга татбиқ этилади.
Маъмурият демократлардан Марказий Америка мигрантларига сиёсий бошпана беришда қоидаларни кескинлаштиришни ва уларни мамлакатдан чиқариб юбориш тартибларини юмшатишга розилик билдиришларни сўрамоқда. Аммо демократлар “инсонпарварлик эмаслиги”ни айтиб бу талабларни инкор қилиб келади.
Мустақиллик байрамини нишонлаш муносабати билан Конгресс ишидаги танафуслар туфайли парламентарийлар резолюция ишлаб чиқишларига вақт етмаслиги эҳтимолидан хавотирлар мавжуд.
Келаси ҳафтада Конгресснинг ҳар икки палатаси ноқонуний мигрантларни махсус қабул масканларида вақинча ушлаб туриш шароитларини яхшилаш учун тўрт ярим миллиард доллар ажратишни кўзловчи резолюция бўйича овоз бериши кутилмоқда. Бу чораларнинг Трампнинг қонуний ва ноқонуний мигрантларга оид миграция қонунчилигини комлекс ислоҳ қилиш борасидаги талабларига мутлақо алоқаси йўқ.
Май ойида чегарачилар Мексика билан чегарада АҚШга кириш учун рухсати бўлмаган 129 мингдан ортиқ мигрантни ушлади. Йил бошидан бери бу каби ушлашлар 60 мингтани ташкил қилди.