«Ориённур» ТВнинг илк теледастури 27 июнь куни эфирга чиқиши керак эди, аммо икки кун қолганда Алоқа хизмати кўрсатув учун берилган лицензияни қайтариб олди, ўз қарорини техник муаммолар билан изоҳлади. Бироқ, телеканал таъсисчилари«бу бир баҳона» эканлигини айтишмоқда.
“Ориённур” телеканали директори Сино Ниёзовнинг сўзларига қараганда, бир неча бор синов дастурлари эфирга берилганидан сўнг расмийлар тушаётган шикоятлар туфайли вақтинча кўрсатувлар намойишини тўхтатиб туришларини сўраган.
Алоқа хизмати лицензиянинг қайтариб олинишини техник муаммолар билан изоҳлади, бу кўрсатувлар Панжикентдаги бошқа бир телеканалнинг кўрсатувларига ҳалақит бераётган экан.
Агар янги ТВ лицензияга эга бўлса, у ҳолда «Ориённур» «Симо» ТВсидан кейин Панжикентдаги иккинчи мустақил телеканалга айланади.
Экспертларнинг таъкидлашларича, лицензия олиш мустақил телеканал яратишдаги энг мураккаб босқич ҳисобланади. Энг кўп мустақил телеканаллар Сўғд вилоятида экани айтилади. Пойтахтда турли сабабларга кўра хусусий телеканаллар камроқ. Масалан, «Азия-Плюс» медиа-холдинги бир неча йилдан бери теледастурлар учун лицензия ололмайди.
Бугунги кунда Тожикистонда 34 та телеканал рўйхатга олинган, уларнинг 20га яқини мустақил ТВдир.