Норозилик акцияси иштирокчиларининг таъкидлашича, Сооронбай Жээнбековнинг президент сифатидаги ҳаракатлари 2017 йилги сайловлар вақтида берган ваъдаларига мос тушмаяпти.
«Қонун тўғрисида баландпарвоз баёнотлар бериш билан бир вақтда мамлакатда қонунсизлик ҳукм сурмоқда; алдов ва ёлғон давлат сиёсатининг инструментига айланди. Фуқаролар ҳуқуқи топталмоқда, инсон қадр-қиммати ҳеч нарсага ярамай қолди ва қадр қиммат хурмат қилинмайдиган даражага тушиб қолди. Мамлакатда амалда Жээнбеков-Матраимовларнинг оилавий-клан режими қарор топди», - дейилади резолюцияда.
Талаблар орасида қонунсизликка барҳам бериш, зудлик билан ҳукумат истеъфоси ва халқ ишончи ҳукуматини шакллантириш, зудлик билан ҳуқуқ тартибот идоралари - МХДҚ, Бош прокуратура ва ИИВ раҳбарларини алмаштириш, сиёсий маҳбусларни озод қилиш бор.
Агар мазкур талаблар икки ой муддатда бажарилмайдиган бўлса, у ҳолда Халқ штабига бутун мамлакат бўйлаб президент Сооронбай Жээнбеков истеъфоси ва парламентни тарқатиб юбориш талаби билан оммавий норозилик акцияларини уюштириш топширилади.