Мазкур минтақада амалиёт апрел сўнгида бошланган эди. Бу ҳақда Reuters Суриядаги инсон хуқуқлари мониторинг марказига таянган ҳолда хабар берди.
Ҳуқуқ ҳимоячиларининг сўзларига қараганда, Россия ва Сурия ҳарбийлари атайлаб тинч аҳоли вакилларига қарата зарба бермоқда ва шифохоналарга бомба ташламоқда. Бундан аввалроқ ҳуқуқни ҳимоя қилувчи Human Rights Watch ташкилоти ҳужум вақтида кассетали ўқ-дорилар ва ёндируви қуроллардан фойданилганини маълум қилган эди.
Москва ва Дамашқ бу маълумотларни инкор қилади. Россия ҳарбийлари, “Ал Қоида” террор гуруҳи билан боғлиқ жиҳодчиларнинг ҳужумига қарши ҳаракат қилишаётганликларини таъкидлашади. Россия шунингдек, ўт очишни тўхтатиш борасидаги шартнома Сурия қуролли мухолифати томонидан бузилаётганини қайд қилади.
БМТ маълумотига кўра, Идлибда амалиёт бошланганидан бери камида 300 минг киши бомбалар ташланаётган Туркия билан чегарадан қочиб кетишга мажбур бўлган. Минтақада уч миллионга яқин тинч аҳоли вакили, жумладан бир миллион бола истиқомат қилади.