Бу борадаги шартномага шу йилнинг апрель ойида эришилган эди, бугун эса Иқтисодиёт вазирлиги Жзқорғу Кенешга Шартнома лойиҳасини ратификация қилиш таклифи билан чиқди. Ҳужжатга кўра, донорлар техник ёрдам бериш мақсадида $380 минг грант беради, шундан $280 минги Ислом банки, қолган $100 минги эса – Хусусий секторни ривожлантириш Ислом корпорацияси томонидан берилади.
Ҳалол парк учун техник-иқтсодий асослар (ТИА) ўзида гўштни қайта ишловчи ишлаб чиқариш занжиридаги турли компонентларни - чорва учун ем-хашак ташкиллаштиришдан тортиб тайёр маҳсулотни қадоқлашгача - қамраб олиши керак.
Иқтисодиёт вазирлигининг маълумотига кўра, айни дамда Қирғизистонда гўштни қайта ишловчи 296 субъект расман рўйхатга олинган, уларнинг 90% мини-корхоналардир. Шу билан бирга санитария меъёрлари ва қоидаларига амал қилмай фаолият юритадиган яширин мини-цехлар бор. Расман рўйхатдан ўтган 69та қассобхоналар ҳам замонавий талабларга жавоб бермайди.