Ссылки доступа

"Уйимизни ҳеч қандай огоҳлантиришсиз бузиб ташлашди" (тўплам)


Ҳудуднинг оммавий ахборот воситалари учун ушбу материаллардан тўлиқ ёки қисман фойдаланиш борасида текин ҳуқуқ берилади. Фойдаланувчиларнинг истагига қараб видеороликларнинг дастлабки вариантини тақдим этишимиз мумкин. Улар шунингдек Директ тўпламидаги ихтиёрий видеодан фойдаланишлари мумкин бўлади.

- "Уйимизни ҳеч қандай огоҳлантиришсиз бузиб ташлашди". Гулистон шаҳри Зойир Қодиров кўчасида яшовчи турғунларнинг ëзишича¸ улар яшаëтган уй вилоят ҳокимининг оғзаки буйруғи билан ҳеч қандай огоҳлантиришсиз бузиб ташланган. Бузилган уй эгаларига компенсация пули ва улар яшаб туриши учун вақтинча уй ҳам берилмаган. ўзбек тилида видео)

- Давлат муҳофазаси остидаги Ўринғоч кўлини айш-ишратчилар эгаллади. Ўзбекистоннинг энг ноёб табиий масканларидан ҳисобланган Ўринғоч кўли бўйида айвонлар қурилиб, чойхона ва қайиқда сайр қилиш хизматлари йўлга қўйилгани атроф-муҳит ҳимоячилари ва экосайёҳлар норозилигига сабаб бўлмоқда. (ўзбек тилида видео)

- Абитуриент-2019: Турнақатор навбатлар, ур-йиқит, тўполон. (видео)

- Термизлик "Дамас"чилар: Россияга кетишдан бошқа иложимиз қолмаяпти. Термиз шаҳрида йўловчи ташиши тақиқланган "Дамас"чилар ëрдам сўраб президентга мурожаат қилди. Сурхондарё вилояти ҳокимлигининг Озодлик гаплашган расмийлари "Дамас" автомашиналари билан йўловчи ташиш тақиқланишини шаҳарда йўл ҳаракатини тартибга солиш зарурати билан изоҳлаган эди. (ўзбек тилида видео)

- OzodLive - Каримов қамоқхонасида энг узоқ қолган сиёсий маҳкум оқланмади. Ҳафтанинг энг муҳим хабарлари: Каримов қамоқхонасида энг узоқ қолган сиёсий маҳкум оқланмади; Олийгоҳларга ҳужжат қабул қилиш тўс-тўполон билан бошланди; Абдулла Арипов Москвадаги Ўзбекистон павилионига борди. (ўзбек тилида видео)

- Тошкентлик ёлғиз она: Мен билмаган жойлардан ёрдам ёғилди. Тошкентлик 36 яшар Умида Абдураҳмонованинг Озодликда қилган бу изтиробли чиқиши интернетдаги ўзбек сегментини жунбушга келтирди. Баъзилар 6 фарзандли ёлғиз онани танбалликда айблаган бўлса, кўпчилик ёрдам қўлини чўзиш истагини билдирди. Умида Абдураҳмоновага ҳамма жойдан ёрдам кела бошлади. (ўзбек тилида видео)

- Тадбиркор: Ҳоким буйруқ бериб дўконларимизни буздириб ташлаяпти. Конимех тумани тадбиркорлари ўз дўконлари ҳоким томонидан зўравонлик билан буздирилаëтганидан шикоят қилмоқда. Вилоят ҳокимига кўра¸ дўконлари бузилган тадбиркорларга ҳеч қандай компенсация пули тўланмайди. (ўзбек тилида видео)

- Ўзбекистонда гўшт нархи яна ошдими? Маҳаллий матбуот Ўзбекистонда гўшт нархининг ошиб бораётгани ҳақида мақола эълон қилди. Аммо, айни пайтда бозорларда гўшт қанча туриши аниқ айтилмаган. Озодлик мобил мухбири гўшт нархларини билиш учун Тошкент бозорларини айланди.

- Низомий педагогика университетида қабул жараёнидаги ҳолат. (фотогалерея)

- "Маҳалламизда мактаб ëки мачит йўқлиги учун кўчамиз асфалт қилиш режасига киритилмабди". Зангиота тумани Тариқ тешар маҳалласи турғунининг ëзишича¸ у яшаб келаëтган кўча асфалт қилинмаяпти. Ҳокимиятга мурожаат қилинганда эса ҳокимиятдан маҳаллада мактаб ëки мачит бўлмаганлиги сабабли кўча асфалт қилиш режасига кирмайди¸ деган жавоб берилган. (ўзбек тилида видео)

- Адиблар хиёбонидаги Абдулла Орипов ҳайкали тўкила бошлади. Бир ярим йил муқаддам Тошкентдаги Адиблар хиёбонида барпо этилган шоир Абдулла Ориповнинг ҳайкали кўчиб тушмоқда. (ўзбек тилида видео)

- Туркия: Анқарада дарахт кесилишига қарши намойиш куч билан тарқатилди. Туркия пойтахтидаги Яқин Шарқ техник университети талабалари расмийларнинг яна бир ётоқхона қуриш учун кампус ҳудудидаги юзлаб дарахтни қўпориш режасига қарши 8 июль куни намойиш ўтказдилар. Полиция йиғилганларни тарқатиш учун кўздан ёш сиздирувчи газ қўллади. Норозиликларга қарамай, бу ерда дарахт кесиш ишлари бошланди. (ўзбек тилида видео)

XS
SM
MD
LG