Жўқорғу Кенеш депутати Алмамбет Шыкмаматовнинг айтишича Олий суд судьяси иш материалларининг ҳажми катта эканлигини ва улар билан танишиш учун анча вақт кераклигини таъкидлаган.
«Биз барча материалларни Бош прокуратурага беш ой муқаддам берган эдик, бу иш билан танишиш учун етарли муддат дея ҳисоблаймиз. Аммо судья яна бир ой сўради. Биз сабабларни тушунмаймиз, аммо суд шу қарорни чиқарди», - деди Шыкмаматов.
Сиёсатчининг ҳимоячилари баёнот бериб, Текебаев ва Чотоновга нисбатан айб қўйилишига асос бўлган россиялик тадбиркор Леонид Маевскийнинг кўрсатмасида ёлғон борлигини исботловчи далиллар борлигини маълум қилди.
Бундан аввалроқ Текебаевнинг юристлари Бош прокуратурага ишни қайта кўриб чиқиш борасида ариза топширган эди. Аммо назорат идораси аризани рад қилган ва Олий судга мурожаат қилиш лозимлигини айтган эди.
Олий суд 3 май куни 2019 йилда жазоларни юмшатишни назарда тутган янги кодекслар кучга кириши муносабати билан Омурбек Текебаев ва Дуйшенкул Чотоновнинг ишини қайта кўриб чиққан эди. Томонларнинг даъволарини тинглаган Ҳайъат ҳукмни ўз кучида қолдиришга қарор қилди, бу қарорга кўра Текебаев ва Чотонов 8 йил озодликдан маҳрум қилинган эди. Олий суд сиёсатчиларнинг ишини адвокатлар илтимос қилганидек Биринчи май туман судига қайта кўриб чиқиш учун юбормади. Аммо ҳукмнинг мол-мулкни мусодара қилиш борасидаги қисмини ўзгартирди.
Сиёсатчиларнинг ўзлари айбларига иқрор бўлмаяпти ва собиқ президент Алмазбек Атамбаев томонидан сиёсий таъқибга учраганликларини айтишади.