Ссылки доступа

Зеленскийнинг партияси қарийб 44 фоиз овоз олди


Дастлабки натижаларга кўра, Украинадаги навбатдан ташқари парламент сайловида президент Зеленский етакчилигидаги партия қарийб 44 фоиз овоз тўплаган.

Владимир Зеленский президент этиб сайланганидан кейин парламентни тарқатган, янги таркиб учун сайловни муддатдан 3 ой олдин ўтказишга қарор қилган.

21 июл кунги сайловда Зеленский асос солган “Халқ хизматкори” партияси ҳукмронликни қўлга киритса, Зеленский ўз ислоҳотларини давом эттириши учун замин яратилади.

Сайловнинг расмий натижаси 22 июль куни эрталаб эълон қилинади.

21 кунги сайловда Зеленский, парламент спикери Андрий Парубий, собиқ президент Петро Порошенко ҳамда собиқ бош вазир Юлия Тимошенко кун ярмигача овоз берди.

Овоз берганидан кейин жустналистларга интервью берган Зеленский, ҳукумат етакчиси ҳокимият ёки сиёсатга аралашмаган профессионал иқтисодчи бўлиши керак, деб ҳисоблашини айтди.

Украиналиклар орасида ўтказилган сўровлар Зеленский рейтинги юқори бўлиб қолаётганини кўрсатмоқда.

Зеленский эртароқ сайлов ўтказиш қарори сабабини мамлакат парламенти унга қарши сиёсатчилар бошқарувида бўлгани билан изоҳлаган.

XS
SM
MD
LG