Улар орасида шаҳар марказидаги рухсат этилмаган тадбир давомида қўлга олинганлар ҳам, акция бошлангунича полицияга тутиб олиб келинган рўйхатдан ўтказилмаган номзодлар ҳам бор.
"Апология протеста" ташкилоти маълумотига кўра, мухолифатчи Илья Яшинни Щербинский туман судига келтиришган.
Ҳуқуқ ҳимоячиси бўлган "ОВД-Инфо" порталининг хабар беришича, шу ҳафта бошида Москванинг 22 та судида мажлислар ўтказилади. У ерларга полициянинг етмишга яқин бўлинмаларидан одамларни келтиришади.
Ҳуқуқ ҳимоячиларига кўра, акцияларда полиция ва Росгвардия 1373 кишини ушлаган, уларнинг 150 нафардан кўпроғи икки кечани бўлинмаларда ўтказишди, уларни суд кутмоқда. Хабар берилишича, қўлга олинганлардан бирига нисбатан полиция ходимига ҳужум қилиш бўйича жиноий иш очилиши мумкин.
Гувоҳларга кўра, қўлга олинганлар орасида мэрия олдидадаги намойишда иштирок этиш нияти бўлмаган тасодифий йўловчилар бир неча марта қайд этилган. Полиция ва Росгвардия намойишчиларга куч қўллаган. Норозилик чиқишининг етмишдан зиёд қатнашчилари тан жароҳатлари олган.
Европа Иттифоқи ва Amnesty International халқаро инсон ҳуқуқлари ташкилоти Москва марказидаги акцияда намойишчиларнинг қўлга олинишини қоралашди.