2019 йилнинг 27 март куни , РФ президенти Владимир Путиннинг Қирғизистонга ташрифидан бир кун аввал эр-хотин Қирғизистондаги Россия элчихонаси олдида пикетга чиққан эди. Улар кўтариб олган плакатларда : "Путин агрессор, қотил" ва "Иссиқкўлда Путининг торпедалари керак эмас!" деган ёзувлар бор эди.
Эр-хотин милиция томонидан ушланди, уларнинг хонадонида тинтув ўтказилди. Шундан кейин Каримшаков ва Имаевага нисбатан Қирғизистон Жиноят кодексининг 313-моддаси 2-қисми ("Ирқий, этник, миллий, диний ёки минтақалараро нифоқ қўзғатиш") бўйича иш очилган ва уларга нисбатан судга қадар тергов ишлари олиб борилаётган эди.
"Психолого-лингвистик ва лингвистик экспертиза комиссияларининг хулосаларидан сўнг терговчи томонидан жиноий иш тўхтатилиши борасида қарор қабул қилинди", – дейди эр-хотиннинг адвокати Замир Жоошев.