Интизор меравад, сафари Медведев ба Туркманистон рӯзҳои 11-12 август анҷом шавад. Вай дар нахустин Форуми иқтисодии Каспий ширкат хоҳад кард. Дар доираи ин сафар мулоқоти Медведев бо президенти Туркманистон Қурбонгулӣ Бердимуҳаммадов дар назар аст.
Бердимуҳаммадов сар аз 5 июл ба ин тараф дар мазҳари ом ҳозир нашудааст. Вай ҳатто рӯзи 6 июл дар мулоқот бо роҳбари ниҳоди сиёсати хориҷии Иттиҳоди Аврупо Федерика Могеринӣ ҳузур надошт. Нопайдоии Бердимуҳаммадов боис шуд, бархеҳо дар бораи бад шудани вазъи сиҳатиаш ҳадс зананд. Мақомоти Туркманистон борҳо гуфтанд, ки Бердимуҳаммадов то 15 август дар рухсатии меҳнатӣ хоҳад буд. Ин дар ҳолест, ки Форуми иқтисодии Каспий пеш аз анҷоми муҳлати рухсатии президент баргузор мешавад.
Рӯзи 21 июл дар шабакаҳои иҷтимоӣ овозаи марги Бердимуҳаммадов нашр шуд. Вале намояндагиҳои дипломатии Туркманистон дар кишварҳои хориҷ як рӯз баъд ин овозаро рад карданд.