Бір баланы мектепке толық дайындау үшін кем дегенде 450 сомони ($40) қажет, бірақ тұрғындардың қалтасы мұндай соманы көтере бермейді. "Отбасында екі немесе үш оқушыдан барлар мектеп формасына 150-200 доллар жұмсауы керек. Мұншама ақшаны қайдан аламыз?" - деді жәрмеңкеге келушілердің бірі.
6 тамызда Душанбенің барлық аудандарында мектеп формалары мен оқулықтарының жәрмеңкесі басталды.
Ата-аналар бұған алдын ала дайындалады: кейбіреуі жинаған ақшасын жұмсаса, бірқатары банктен несие алады.
2015 жылдан бастап мектеп формаларын жергілікті кәсіпкерлерден сатып алу міндетті. Үш жылдан бері ата-аналар бұған наразы болып келді.
"Нассочи точик" кәсіпорынының директоры Хушмахмад Жомахмадовтың айтуынша, биыл фирма 90 мың мектеп формасын тіккен. Тәжікстанда бұдан басқа мектеп формаларын дайындайтын тағы бірнеше фирма бар.