Шаби 7 ба 8 августи соли равон неруҳои махсуси Кумитаи амнияти миллии Қирғизистон ба манзили зисти президенти пешини ин кишвар Алмосбек Отамбоев ҳамла карда, хостанд, ӯро боздошт кунанд, вале амалиёт ноком анҷомид. Дар натиҷа миёни ҷонибдорони Отамбоев ва неруҳои махсус задухурд сурат гирифта, як кас кушта ва 52 тани дигар захмӣ шуданд.
Хабаргузории "Интерфакс" ва сомонаи 24.kg рӯзи панҷшанбе навиштанд, ки неруҳои махсуси полиси Қирғизистон президенти пешин Алмосбек Отамбоевро пас аз бархӯрди шадид бо посбонҳо ва садҳо тарафдоронаш боздошт карданд.
Вакилони порлумони Қирғизистон, ки ба таътили тобистона рафта буданд, 8 август дубора ҷамъ шуда, ҷаласаи изтирорӣ баргузор карданд.