Тажикстандагы юристтердин эл аралык комиссиясынын төрагасы Дилшод Жураев укук коргоо жана көзөмөл органдары Абдурахмонзоданын кыноо жөнүндөгү арызын карашы керек деп эсептейт.
Тажикстан Адвокаттар биримдигинин мүчөсү Абдулазиз Абдурахмонзода Каржы көзөмөлү жана коррупцияга каршы агенттигинин кызматкерлери аны мыйзамсыз кармап, кыйноого алышканын билдирген. Абдулазиз Абдурахмонзоданын айтымында, коррупцияга каршы кызматтын өкүлдөрү анын тишин сындырып, катуу сабашкан.
“Адвокат негизсиз түрдө алдамчылыкка айыпталууда. Абдулазиз Абдурахмонзода көрсөткөн кызматы үчүн гонарар алган жана мыйзам буга тыюу салбайт”, – деди Тажикстан Адвокаттар биримдигинин башчысы Саидбек Нуриддинов.
Май айынын аягында Абдурахмонзодага “Алдамчылык” беренеси боюнча иш козголгон. Иш Сино райондук сотуна жөнөтүлгөн.
Каржы көзөмөлү жана коррупцияга каршы агенттиги бул боюнча комментарий берген жок.
27 жаштагы Абдулазиз Абдурахмонзода төрт жылдан бери адвокат болуп
