Ссылки доступа

БАҚ: Стивен Биегун - АҚШ-тың Ресейдегі елшісі қызметіне үміткер


Стивен Биегун

АҚШ президенті Дональд Трамп Солтүстік Кореямен келіссөз жүргізгенде Құрама Штаттар мүддесін қорғаған Стивен Биегунді Ресейге елші ретінде тағайындауды қарастырып жатыр. Бұл жөнінде Reuters агенттігі Ақ үйдегі дереккөзіне сілтеме жасап хабарлайды.

Екі күн бұрын Vox ресурсы АҚШ-тың Ресейдегі елшісі болуы мүмкін деп екі адамды атаған. Оның біреуі осы Биегун болған.

​Өткен аптада ақпарат құралдары АҚШ-тың Ресейдегі қазіргі елшісі Джон Хантсманның президент Трампқа 3 қазаннан бастап қызметінен кететіні жөніндегі жазған хатын жариялаған.

56 жастағы Стивен Биегун Мичиган университетінде саяси ғылымдарды және орыс тілін меңгерген. 90-жылдардың басында ол Мәскеудегі халықаралық республикалық институт өкілдігінің басшысы болған. Кіші Джордж Буша тұсында ол Ақ үйде сыртқы саясат жөніндегі кеңесші қызметін атқарған.

Қазір Америка-Ресей қарым-қатынасы өте күрделі жағдайды бастап кешіріп отыр. Джон Хантсман хатында америкалық дипломаттардың қиын жағдайдай жұмыс істеп жатқанын жазған. Стивен Биегун болса ақпан айында өткен Америка-Солтүстік Корея саммитін ұйымдастыруда басты рөл атқарған адам ретінде белгілі.

XS
SM
MD
LG