Ссылки доступа

“Апрель” телеканали ёпилганидан сўнг Бишкек “эркин сўзни” ҳимоя қилишга чақирилди


“Чегара билмас мухбирлар” халқаро матбуотни ҳимоя қилиш ташкилоти Қирғизистон ҳукуматига мурожаат қилиб мухолифатдаги “Апрель” телеканалига ўз кўрсатувларини намойиш қилиш учун имконият яратишга чақирди. Ўтган ҳафта ОАВнинг беркитилиши матбуот эркинлигини бузиш сифатида кўрилмоқда.

«Апрел» кўрсатувларининг тўхтатилиши, унинг эгаси Қирғизистон собиқ президенти Алмазбек Атамбаевнинг ҳибсга олинишига тўғри келиб қолди. Маълумки, у 8 август куни Бишкек яқинидаги қишлоқдаги қароргоҳи икки кун ишғол қилинганидан сўнг қўлга олинган эди. Орадан бир кун ўтиб махсус кучлар «Апрель» каналининг идорасига келди, таҳририятдан ходимларни чиқариб юбориб бинони муҳрлаб кетишди. Шундан бошлаб канал ўз фаолиятини Интернетда давом эттирмоқда, аммо телевизион эфирдан маҳрум қилинган. «Апрель» директори Дмитрий Ложников 13 август куни беш соат давомида тергов идоралари томонидан сўроқ қилинди.

Расмийларнинг таъкидлашларича, канал кўрсатувларининг тўхтатилиши эҳтимолий коррупция иши бўйича терговдаги Атамбаев активларининг ҳатланиши билан боғлиқ.

Бироқ “Чегара билмас мухбирлар”нинг Шарқий Европа ва Марказий Осиё бюроси раҳбари Иоханн Бирр ўзининг баёнотида тергов “матбуот эркинлиги бузилишини оқлашга хизмат қилмаслигини” таъкидлади, шу билан бирга “Апрель”га қандайдир қонун бузилишлари масаласида бевосита айблов қўйилмаган.

ЕҲХТнинг ОАВ эркинликлари масалалари бўйича вакили Харлем Дезир ҳам Қирғизистонда «Апрель» телеканалининг беркитилишидан ўз хавотирини билдирди, дея хабар беради ЕҲХТнинг ҚРдаги ваколатхонаси. Харлем Дезир оммавий ахборот воситалари хилма-хиллигини ҳурмат қилишга чақирди.

«Мени “Апрель” телеканали активларининг ҳатлови ва унинг фаолиятининг тўхтатилиши ташвишга солмоқда. Гарчи, мен қабул қилинган мазкур қарор билан боғлиқ барча вазиятни тўлалигича билиб турсам ҳам, тегишли идораларга мурожаат қилиб бу қарорни қайта кўриб чиқишга чақираман. ОАВ эркинлиги ва ОАВ хилма- хиллиги мураккаб вазиятларда ҳам сақланиб қолиши керак», - дейди ЕҲХТнинг ОАВ эркинликлари бўйича вакили.

У шунингдек, сиёсий ҳодисаларни ёритаётган журналистлар хавфсизлигини таъминлашга барча иштирокчилар томонидан риоя этилиши кераклигини айтди.У 7 август куни Қўй Тош қишлоғидаги ҳодисада журналист аёл жароҳат олганини, Бишкекда 8 август куни юз берган тартибсизликлар вақтида айрим журналистлар норозилик намойиши иширокчилари томонидан ҳужумга учраганини эслатиб ўтди.

XS
SM
MD
LG