Ссылки доступа

Тошкентда чақалоқли ёш аёл автобуснинг эшигини тепиб синдирди (видео)


Тошкентда қўлида чақалоғи бўлган йўловчи аёл шовқин-сурон кўтариб, автобуснинг эшигини уриб синдирди ва бу билан ўзининг ҳамда чақалоғининг ҳаётини хавф остига қўйди. Бу борадаги видеони 15 август куни “Тошшаҳартрансхизмат” расмий саҳифасида эълон қилди.

Хабарда айтилишича, 14 август куни 5-автобус саройи тасарруфидаги 99-йўналишда йўловчи аёл Қўйлиқ бозори яқинидаги Чирчиқ дарёсидан ўтган кўприк устида автобусни тўхтатишни талаб қилди.

Ҳайдовчи унга бу ерда тўхташ мумкин эмаслиги, ҳаёти учун хавфлилигини тушунтирганига қарамай, у даражада шовқин-сурон кўтариб, автобуснинг эшик ойнасини бир неча марта тепиб синдирган. Бунинг оқибатида аёлнинг ўзи ҳам ойна синиқларидан шикастланган.

“Ушбу ҳолатни батафсил ўрганиш ҳамда чора кўриш мақсадида тегишли органларга хабар берилди. Ўрганиш натижалари бўйича қўшимча маълумот тақдим этамиз”, дейилади расмий маълумотда.

XS
SM
MD
LG