Бабановнинг журналистларга айтишича, «Қырғызстан» АТБ билан боғлиқ иш бўйича сўроқ қилинган. Сўроқ тафсилотларини ошкор қилмаслик борасида тилхат бергани боис маълум қилмади.
Бундан ташқари маълум бўлишича, у 20 август куни сўроқ учун МХДҚга чақирилган.
«Республика» партиясининг етакчиси Омурбек Бабанов 9 август куни Москвадан Бишкекка қайтиб келди. «Манас» аэропортида уни тарафдорлари кутиб олди. Шу билан бирга МХДҚнинг эслатишича, сиёсатчига нисбатан иккита жиноий иш очилган ва ватанга қайтиб келиши билан у жавобгарликка тортилади.
2017 йилги президентлик сайловларидан сўнг Омурбек Бабанов мамлакатни тарк этган ва сиёсий карьерасини якунлагани ҳақида баёнот берган эди. Сайлов натижаларига қараганда у иккинчи ўринни олган эди. Шу вақт мобайнида у Москвада бўлди.
Эслатиб ўтамиз, "Қырғызстан" банкининг эгаси Омурбек Бабановдир.