Ссылки доступа

«Душанбе-Москва» рейси фавқулотда Оренбургга қўнди


Оренбург транспорт прокуратураси «Душанбе-Москва» рейсининг «Оренбург» аэропортига фавқулотда қўниши факти бўйича текширув ўтказа бошлади.

Оренбург Медиа сайтининг хабар қилишича, парвознинг ярим йўлда узилиб қолишига 13 ёшли йўловчи қизнинг ўзини ёмон ҳис қилгани сабаб бўлди. Қизга Оренбург аэропортида тиббий ёрдам берилди.

“Душанбе-Москва” йўналиши бўйича парвозни амалга ошираётган “Уральские авиалинии” авиакомпаниясига тегишли «Airbus A321» самолёти Оренбургда икки соат қолиб кетди. Рейс 12.10 аэропортни тарк этиб парвозни қайта тиклади. Унинг бортида 216 йўловчи бор эди.

21 август куни эрталаб «Оренбург» аэропортига Душанбедан Москвага парвоз қилаётган самолёт фавқулотда қўнди. Дастабки маълумотларга қараганда, вояга етмаган йўловчининг юраги безовта бўлган. Ҳаво кемасининг командири фавқулотда қўниш борасида қарорга келган.

XS
SM
MD
LG