Сайтнинг хабар қилишича, 23 август куни президент Шавкат Мирзиёев раислигида Ёшларни ватанпарварлик руҳида тарбиялаш ва жамиятда ўқитувчи мавқейини ошириш юзасидан кенгайтирилган видеоселектор йиғилиши ўтказилди ва йиғилиш давомида давлат раҳбари Есемурат Каньязов ишдан олинганини маълум қилди.
Маҳаллий нашрларга кўра, президент видеоселектор давомида олий таълимдан норозилигини айтган: «Мен мутлақо олий таълимдан норозиман... Ректорларда талаб йўқ, савия йўқ. Энг катта порахўрлик қаерда? Юридик, Молия, Иқтисодиёт университетларида... Тизимда тартиб йўқ, интизом йўқ...».
Есемурат Каньязов 2005-2011 йилларда Адлия вазири ўринбосари, 2011 йилнинг июнидан Адлия вазирининг биринчи ўринбосари бўлиб ишлаган, 2013 йилда Тошкент давлат юридик университетига ректор этиб тайинлангач вазир ўринбосари лавозимидан кетган.
10-август куни "Qoshni mahalla" Telegram каналида аноним тарзда иккита сўровнома ўтказилиб, унда 50 мингдан ортиқ киши қатнашди.
Сўровнома натижаларига кўра, Тошкент давлат юридик университети пойтахтнинг энг коррупцияланган олийгохи деб топлиди. Бунга сўров иштирокчиларининг 31 фоизи овоз берди. Коррупция бўйича иккинчи ўринни Тошкент давлат иқтисодиёт университети эгаллади. Бунинг учун респондентларнинг 20 фоизи овоз беришди. Анти-рейтингда учинчи ўринни 12 фоиз олган Ўзбекистон Миллий университети эгаллади. Шунингде, Тошкент Тиббиёт академияси (10 фоиз) ва Тошкент Ахборот Технологиялари университети (8 фоиз) Ўзбекистондани энг коррупциялашган университетларнинг бешталигига кирди.