Ссылки доступа

Дар Ӯзбекистон Окси Искандарӣ - шаҳре, ки 2000-сол пеш маҳв шуда буд, пайдо гардид (видео)


Мақомоти Ӯзбекистон гуфтанд, дар Кампиртеппаи вилояти Сурхандарё шаҳреро пайдо кардаанд, ки ду ҳазор сол пеш маҳв шуда буд.

"Мо мушаххас кардем, ки Кампиртеппа - ҳамон Окси Искандария аст. Мо маводи зиёде дар ин робита таҳия мекунем. Талош хоҳем кард, ки ин макон дар харитаи ҷаҳон зикр шавад. Ин кашфиёти хубе хоҳад буд барои тамоми дунё, ки олимону сайёҳонро ҷалб хоҳад кард. Мо далелҳои кофӣ дар ихтиёр дорем", - гуфт муовини сарвазири Ӯзбекистон Азиз Абдуҳакимов.

Изҳороти олимон ва ҳукумати Ӯзбекистон кашфи бесобиқае унвон мешавад. Шаҳри Окси Искандария танҳо дар китобҳои таърихӣ зикр мешуд. Аз ду ҳазор сол пеш то кунун касе намедонист, ки ин шаҳр дар куҷо ҷойгир аст.

Дар натиҷаи ковишҳои бостоншиносӣ дар Кампиртеппа дар соли 1972 Эдуард Ртвеладзе, академики ӯзбекистонӣ харобаҳои шаҳри қадимиеро пайдо карда буд. Гуфта мешавад, Ртвеладзе аз он замон то кунун чандин чизи дигаре пайдо кардааст, ки ба Искандария будани шаҳр далолат мекунанд.

Дар сарчашмаҳои таърихӣ омадааст, ки Искандария, шаҳре дар Амударё - Окси Искандария - қалъаи ҳимоявии шарқии давалати Юнону Бохтари Искандари Мақдунӣ буд. Окси Искандария дар қарнҳои 3 ва 2 пеш аз мелод давраи шукуфонеро пушти сар мекард.

XS
SM
MD
LG