Ссылки доступа

"Ата Мекен" етакчиси Текебаевнинг ишини қайта кўриб чиқиш 29 августда бошланади


«Ата Мекен» партияси етакчиси Омурбек Текебаев ва собиқ элчи Дуйшонкул Чотоновнинг иши Бишкекдаги Биринчи май туман судида 29 август куни эҳтиёт чорасини ўзгартириш билан қайта кўриб чиқилиши бошланади. Бу ҳақда «Азаттық» радиосига адвокат Таалайгул Токтакунова маълум қилди.

«Биз эҳтиёт чораси ўзгартирилиши - чиқиб кетмаслик шарти билан ҳибсдан озод қилинишлари юзасидан илтимоснома бердик. Суд 29 августга белгиланган», - деди адвокат.

Биринчи май туман суди сиёсатчиларнинг иши қайта кўриб чиқилиши 29 августда бошланишини тасдиқлади.

2017 йилда россиялик тадбиркор Леонид Маевскийнинг 1 млн доллар пора бергани борасидаги кўрсатмасига биноан Омурбек Текебаев ва собиқ элчи Дуйшенкул Чотонов 8 йил муддатга озодликдан маҳрум қилинган эди. Сиёсатчиларнинг ўзлари қўйилган айбни тан олишмайди ва собиқ президент Алмазбек Атамбаев томонидан сиёсий таъқибга учраганликларини айтишади.

21 август куни Олий суд янги очилган вазият туфайли Текебаев ва Чотонов ишини қайта кўриб чиқиш учун Бишкекдаги Биринчи май туман судига юборди.

XS
SM
MD
LG