Еске салайық, Өзбекстанның Сұрхандария облысы Сарыасин ауданында 14-15 тамызда "Шаргунькумир" көмір кенінде жұмыс істейтін 200-ге жуық кенші ереуілге шыққан. Олар жалақының көтерілуін талап еткен.
Наразы кеншілер қара жұмысқа 1 миллион сум (100 доллардан сәл асады) айлық төленетінін, мереке және демалыс күндері де жұмыс істеуге мәжбүрлейтінін мәлімдеген. Кәсіпорынға ереуіл себебін тексеру үшін келген арнайы комиссияның бір мүшесі кеншілерге "мұндай даудан ешкім ұтпайды" деп жауап берген.
Кеншілердің наразылық акциясына қатысты мәлімдеме таратқан "Узбекистон темир йуллари" арнайы комиссия тоғыз шенеунікті жұмыстын шығару туралы шешім қабылдағанын жариялады. Компания мәліметі бойынша, кәсіпорында орташа жалақы - 2,343 млн сум (шамамен 250 доллар). Мұнда 596 адам жұмыс істейді.