Тўртта иш бўйича Иқтисодий жиноятларга қарши кураш Давлат хизмати (финполиция)га, яна тўртта иш бўйича МХДҚга кўрсатма бермоқда.
«Маълум бўлишича, МХДҚда тўртта иш бор экан, мен уларга кўрсатма бердим. Финполицияда ҳам тўртта иш бор экан», - дейди Бабанов.
Унинг қўшимча қилишича, ишларнинг айримлари Алмазбек Атамбаевнинг президенлик йилларида, айримлари шу йил очилган.
Биринчи бор Омурбек Бабанов финполицияда 19 август куни кўрсатма берди. Ўша куни «Қырғызстан» Акциядорлик тижорат банки билан боғлиқ иш бўйича сўроқ қилинган.
Бундан аввал МХДҚ Бабанов иккита жиноий ишга алоқаси борлигини айтган эди. Биттаси Ўшдаги «Амир-Тимур» («Он-Адыр») мавзуеидаги чиқиши билан боғлиқ факт бўйича қўзғатилган, ўшанда у “асоссиз иғвогорона сўзларини ишлатган”. Иккинчи жиноий иш - куч билан ҳокимиятни эгаллаб олишга тайёргарлик кўриш ва оммавий тартибсизликлар факти бўйича - бу иш тўхтатилди.
2017 йилги президентлик сайловларидан сўнг овоз бериш натижалари бўйча иккинчи ўринни олган “Республика” партиясининг етакчиси Омурбек Бабанов мамлакатни тарк этди ва сиёсий карьерасини якунлаши ҳақида баёнот берди. Шу вақт мобайнида у Москвада бўлди. 9 август куни собиқ депутат Бишкекка қайтди.