Ба огаҳии хадамоти матбуотии президенти Ӯзбекистон, Мирзиёев сатҳи омодагиҳоро ба Бозиҳои тобистонаи олимпии соли 2020 дар Токио ғайриқаноатбахш номида, сахт танқид кардааст.
Шавкат Мирзиёев ҳамчунин гуфтааст, ки федератсияҳои варзишӣ ва маъмуриятҳои Ӯзбекистон барои варзишкорон шароити лозимиро фароҳам намекунанд.
Дар ҷаласа ҳамчунин қайд карда шудааст, ки варзишкорон барои зуд барқарор кардани неруи худ пас аз мусобиқаҳо ба кумаки фармакологӣ ниёз доранд. Вале дар Ӯзбекистон дар самти фармакологии варзишӣ ҳечгуна корҳое анҷом дода намешавад ва дар ин соҳа низ мутахассисони ботаҷриба мавҷуд нест.
"Бештари варзишкорон намедонанд, ки кадом доруҳоро бояд истеъмол кунанд ва кадоме аз онҳо мамнуъ ҳастанд. Ягон федератсия барои таҳлили омода кардани аъзои мунтахаби кишвар ба мусобиқаҳо ё барқарор кардани неруи онҳо озмоишгоҳ надорад. Раҳбари давлат ба ниҳодҳои дахлдор дастур дод, ки лоиҳаи қарори рушди фармакологии варзишӣ ва ташкили озмоишгоҳҳоро дар федератсияҳои варзишӣ таҳия ва пешниҳод кунанд", - афзуд манбаъ.