АҚШ Қаржы министрлігі 2018 жылдың қаңтарында Игорь Макаровты санкцияға енгізген ресейлік олигархтардың тізіміне қосқан.
Forbes журналының мәліметіне қарағанда, Түркіменстанның мұнайгаз секторында беделді рөлді алған ресейлік олигархтың байлығы 2,1 миллиард АҚШ долларына тең.
Мемлекеттік ақпарат агенттіктерінің жазуынша, Макаров бұл қызмет үшін ризашылық білдіріп, өзінің Түркіменстанда туғанын әрі велоспортты жақсы көретінін жеткізген. Ол сонымен бірге Түркіменстанда гүлдендіруге атсалысатынын да айтқан.
Игорь Макаров Ресейдің велосипед спорты федерациясының жетекшісі. 2015 жылға дейін «ИТЕРА» деп аталған «АРЕТИ» компаниясы 1990 жылдары түркімен газын Ресей арқылы экспорттауда маңызды рөл атқарған.
2010 жылы кеңсесі Лондонда орналасқан Global Witness ұйымы «ИТЕРА» компаниясы Түркіменстан президенті Гурбангулы Бердімұхамедовке 60 миллион АҚШ долларына тең «Галкыныш» кемесін сыйлыққа бергенін мәлімдеген.
Макаров Түркіменстанға келгенде, елдің мемлекеттік телеарналары оның Бердімұхамедовпен астана көшесінде серуендеп жүргенін көрсеткен. Сол кезде олигарх түркімен лидеріне жаңа үлгідегі велосипед сыйға тартқан.