Мақомоти тандурустии вилояти Самарқанд гуфтанд, таваллудхона ба далели камбуди кормандони касбӣ ва дастгоҳҳои тиббӣ баста шудааст.
Занҳои ҳомилаи ду деҳае, ки дар маҷмуъ 9 ҳазор зани синни таваллуд доранд, маҷбур ҳастанд, ё дар хона ва ё дар роҳ ба сӯи таваллудхонаи шаҳрӣ фарзанд ба дунё оранд. Деҳаҳои онҳо дар фосилаи 30-40 километр аз маркази ноҳия қарор доранд. Сокинон аз мақомот мехоҳанд, роҳи ҳалле пайдо карда шавад.
Дар деҳаҳои Мойлисой ва Куксой, ба иттилои расмӣ, 35 ҳазор аҳолӣ истиқомат мекунад, ки аз ин шумор 9 ҳазор зани синни таваллуд мавҷуд аст. Наздики 400 зани дар ҳоли ҳозир ҳомила гуфтанд, баста шудани таваллудхона барои онҳо мушкили ҷиддӣ эҷод кардааст.