"Біз түркімен түрмелерінде ұшты-күйлі жоғалып кетіп жатқан адамдардың тағдырына алаңдаймыз. Нақты мәліметтерді "Оларды тірідей көрсетіңдер!" халықаралық кампаниясы әзірледі. Онда 120 оқиға тіркелген. Соңғы алты жыл ішінде 27 адам түрмеде қайтыс болды", - делінген ЕО мәлімдемесінде.
Ұшты-күйлі жоғалып кеткендер тізімінде танымал оппозиционерлер, бұрынғы жоғары лауазымды шенеуніктер, саяси астармен ұсталғандар бар.
Түркіменстан билігі түрмедегі адамдардың күшпен жоғалып кетіп жатқандарын жария түрде мойындамай келеді.