13 сентябрь куни Туркманистоннинг давлатга тегишли телеканаллари қўлида кишан бўлган бир неча киши, жумладан Ишановнинг бир бири билан боғлиқ бўлмаган коррупция жиноятларини содир этганликлари борасидаги иқрорларини намойиш қилди.
Мазкур видео ҳукумат мажлиси вақтида бир нечта йирик мониторларда кўрсатилди. Мажлисда Бош прокурор Батир Атдаев авторитар ҳукмдор Гурбангули Бердимуҳаммедов ташаббуси билан бошланган коррупцияга қарши кураш натижалари юзасидан ҳисобот билан чиқди.
Видеода Ишанов ўтган бир неча йил мобайнида таниқли тадбиркор Чаримухаммет Кулов ва бир нечта давлатга тегишли ишлаб чиқариш корхоналарининг раҳбарлари билан биргаликда турли коррупция билан боғлиқ жиноятларни содир этганини тан олади. Расмий маълумотда видеода акс этган Ишанов ва бошқа шахслар қачон ва қай ҳолатда ҳукм қилингани ойдинлаштирилмаган.
Ўз номини ошкор қилишни истамаган Туркманистоннинг бир нечта фуқароси баёнот бериб, “тавба қилаётган коррупционерлар” акс этган видео спектакль бўлиб, гўёки ҳукумат коррупцияга қарши курашаётганини “намойиш қилмоқчи” бўлган.