Ахборот «ҳақиқатга мос келмайди», дейилади вазирлик хабарида. Вазирлик ўз хабарида мавжуд ижтимоий тўловлар ва нафақалар рўйхатини эълон қилар экан, рўйхатда янги тўловлар йўқлигини таъкидлаб ўтди.
Вазирликнинг қўшимча қилишича, айни дамда «манзилли ижтимоий кўмак кўрсатиш масаласида янги механизмлар ишлаб чиқилмоқда», бу механизм «шаффофлик, адолат ва меҳнатга рағбатлантириш принципларига асосланган». Вазирликнинг таъкидлашича, бу механизм президент Қасим-Жомарт Тоқаев илтимосига биноан ишлаб чиқилмоқда.
Ой бошларида Тоқаев ўзининг «халққа қилган мурожаатида» кам таъминланган оилаларга манзилли ижтимоий кўмак кўрсатиш механизмини таҳрир қилиш лозимлигини таъкидлаган эди. Унинг фикрича, манзилли ижтимоий ёрдам “одамларнинг кундалик турмуш тарзига” айланиб қолиши керак эмас экан. Қозоғистон расмийларининг маълумотларига кўра, сўнгги беш йилда кам таъминланган оилаларга бериладиган манзилли ижтимоий ёрдам олувчилар сони 77 минг кишидан 1,8 милион кишига ортган.
Сўнги ойларда юқори лавозимли амалдорлар бир неча бор аҳоли ўртасида “қарамлик кайфиятида”гилар сони ошиб бораётгани борасида баёнот беришди. Бу баёнотлар кўп болали оналарнинг оммавий чиқишларидан сўнг ҳукуматнинг ижтимоий ёрдамни кучайтириш борасида ташлаган айрим қадамларидан сўнг янгради. Қиш охири ва баҳор бошларида мамлакат бўйлаб юзлаб аёллар давлат нафақалари оширилиши, турар-жой муаммоси ҳал қилиниши, кўп болали оилаларга имтиёзлар берилишини талаб қилдилар. Пойтахтдаги бошпанада юз берган ёнғин оқибатида бир оиланинг беш нафар қизчаси ҳалок бўлганидан сўнг бу аёллар норозилик намойишларига чиқишди. Мамлакат ҳукумати митинглардан сўнг манзилли ижтимоий ёрдам ҳажмини оширди, имтиёзли ипотека дастурини ишлаб чиқдилар, истеъмол кредитларини қисман кечиш, ҳамда муҳтожлар учун ижара турар жой бинолари қурилишини маълум қилди.