Ҳодиса 25 сентябрь куни юз берди. Тез ёрдам диспетчери Яшнобод туманида яшовчи эркакдантелефон қўнғироғини қабул қилиб олади. Фуқоронинг айтишича қўшнисининг аҳволи бирданига ёмонлашиб қолган.
«Кўрсатилган манзилга зудлик билан шифокорлар бригадаси етиб борди. Шифокорлар беморни кўздан кечирдилар ва инсоннинг ўлимини аниқладилар. Бироқ, бу жавоб эркакнинг яқинларини қаниқтирмади. Тез ёрдамни чақирган қўшниси шифокорларга мурожаат қилиб зудлик биланреанимацион ҳаракатларни амалга оширишга чақирди. Шифокорлар бу самара бермаслигини айтишиб рад жавобини беришган. Шундан сўнг қўшни эркак фельдшерга ташланди ва уни калтаклади. Жабрланган шифокорни шифохонага олиб бордилар», – дейилади матбуот хизмати хабарида.
Кейинроқ инсон вафот этган жойга терговчи ва прокуратура оператив гуруҳи етиб борди. Суд-медицина экспертизаси белгиланди. Экспертиза эркак ўткир нафас олиш ва юрак хасталиги, бош мия шиши, ҳамда заҳарланиш натижасида вафот этганини аниқлади.
Фельдшерни калтаклаган эркак жиноий жавобгарликка тортилади. Мазкур факт бўйича текширув олиб борилмоқда.