Ссылки доступа

Норвегия 45 шаҳрванди Қазоқистонро ихроҷ кард


Ойбек Смадиёров, сухангӯи вазорати корҳои хориҷии Қазоқистон рӯзи 30 сентябр хабар дод, ки Норвегия 45 шаҳрванди Қазоқистонро ба далели вайрон кардани қонунгузории муҳоҷират ихроҷ кардааст.

Ба гуфтаи Смадиёров, 59 тан аз қазоқистониҳо бо визаи сайёҳӣ вориди Норвегия шуда, аммо ба меҳнат машғул будаанд. Вай гуфт, интизор меравад, 14 шаҳрванди боқимондаи Қазоқистон ба зудӣ ихроҷ шаванд.

Вазорати корҳои хориҷии Қазоқистон хабар дод, ки шаҳрвандони ин кишвар дар Русия визаи Норвегияро дарёфт мекунанд.

Пештар аз ин расонаҳо навиштанд, ки 67 шаҳрванди хориҷӣ дар Норвегия ба далели вайрон кардани қонунгузории муҳоҷират боздошт шудааст. Гуфта мешуд, ки миёни боздоштшудаҳо шаҳрвандони Қазоқистон низ ҳастанд. Сафорати Қазоқистон дар Норвегия хабар дод, ки 60 тан аз боздоштшудаҳо шаҳрвандони Қазоқистонанд.

XS
SM
MD
LG