Ссылки доступа

Орусияда өзбек жарандарын сабаган полиция кызматкерлери иштен алынды


Орусиянын Москва облусунун Балашиха шаарында өзбек жарандарын сабаган эки полиция кызматкери иштен алынды.

Бул тууралуу облустук ички иштер башкармалыгынын басма сөз катчысы Татьяна Петрова билдирди:

— Кызматтык териштирүүнүн жыйынтыгы менен ички иштер органдарын жаманатты кылгандыгы үчүн Балашиха шаардык полиция башкармалыгынын эки кызматкери иштен алынды. Алар мыйзамга ылайык жазаланат. Алардын жетекчиси кызматынан төмөндөтүлдү. Мындан тышкары дагы 10 кызматкер дисциплинардык жоопкерчиликке тартылды.

20-сентябрда Балашиха шаарында полициядан качып, экинчи кабаттын терезесинен секирип кеткен эки өзбекстандык оор жаракат алып, жандандыруу бөлүмүндө жатканы кабарланган.

Жабырлануучулардын айтымында, 20-сентябрда алар дагы эки мекендеши менен Умаров аттуу кыргыз жаранынын үйүнө конокко барышкан. Ошол маалда полиция кызматкерлери кирип келип, аларды сабай башташкан. Токмоктон качкан эки мигрант экинчи кабаттын терезесинен секирип качууга аракет кылышкан.

Бул окуядан кийин Өзбекстандын Москвадагы элчилиги Орусиянын Ички иштер министрлигине, Башкы прокуратурасына жана Тергөө комитетине расмий кайрылуу жолдоп, облустук ички иштер башкармалыгында кызматтык териштирүү башталган.

Видео

XS
SM
MD
LG