Ссылки доступа

Түркіменстан тұрғындарына дрон үшін айыппұл салып жатыр


Көрнекі сурет

Лебапта құқық қорғау органдары дрондары бар азаматтарды тергеуге шақырып, айыппұл салып жатыр. Бұл жөнінде Азаттықтың түркімен қызметінің аймақтағы тілшісі хабарлайды.

"Егер орган қызметкерлері кімде дрон бар екенін білсе, иесін шақырып тергеп жатыр. Кейбір жағдайда қылмыстық іс те қозғап жатыр. Жақында тойларда видео түсіріп қызмет көрсететін студияның иесін тергеуге шақырған. Одан дронды не үшін, қандай мақсатта сатып алғанын сұраған", - дейді тілші.

Тілшінің сөзінше, елде қашықтықтан басқарып, ұшыратын аппараттарды әкелуге тыйым салынған.

"Қазір дроны барларға 1000- 3000 манат көлемінде айыппұл салып жатыр. Егер оларды екінші рет ұстаса, онда қылмыстық жауапкершілікке тартамыз деп ескертіп жатыр", - дейді тілші.

XS
SM
MD
LG