Маҳаллий нашрларнинг Олий судга таяниб хабар беришича, жиноят ишлари бўйича Наманган вилоят суди 26 ёшли Росулбек Тошпўлатовни Жиноят кодексининг 97-моддаси 2-қисмининг «в,и» бандлари (айбдорга аён бўлган ожиз аҳволдаги шахсни; тамагирлик ниятида қасддан одам ўлдирилиши) билан айбдор деб топди.
Суд ҳужжатларида таъкидланишича, 2017 йилда уйланган Росулбек Тошпўлатов 2018 йил 4 июлда ўғил кўради. Аммо у ўғли ўзига ўхшамаслигидан шубҳа қилиб, 2019 йилнинг 24 апрелида хотини билан ажрашади.
Суднинг ҳал қилувчи қарорига асосан Росулбек Тошпўлатов фарзанди 3 ёшга тўлгунга қадар топган даромадининг 70 фоизини алимент тариқасида тўлаб бориши белгиланган.
Тошпўлатов 8 июль куни алдов билан ўғлини олиб қочган ҳамда болани Шимолий Фарғона каналига ташлаб юборган. У бола чўкиб кетгунига қадар томоша қилиб, қараб турган.