Дереккөздер ұйымнан шығу мерзімі өзгеруі мүмкін екенін ескерткен. Британ парламенті заң жобасын бекіткен жағдайда, Ұлыбритания қараша, желтоқсан немесе қаңтар айында ұйымнан шыға алады.
Премьер-министр заң жобасын өткізе алмаса немесе парламент екінші мәрте референдум өткізу керек деп тапса, онда Еуроодақ Брекзитті келесі жылдың маусымына дейін созуы мүмкін.
Сенбі күні британ парламенті Ұлыбританияның Еуроодақтан шығуына қатысты құжаттардың барлығы бекітілмейтінше, Брекзит туралы заң жобасы дауысқа салынбайды деп шешті.
Британ премьері Брекзит 31 қазанда аяқталады деп отыр. Дүйсенбі күні ол қажетті заң жобаларын парламентке ұсынуды көздеп отыр.