Аввалроқ округ суди президент Доналд Трамп администрацияси 30 октябр кунига Вакиллар палатасига Мюллер ҳисоботининг тўлиқ вариантини, жумладан, олдин чоп этилган версиясида таҳрир қилинган қисмларини ҳам топшириши лозимлиги ҳақида қарор қабул қилган эди.
Бу қарор Оқ Уй томонидан юқори инстанция судига шикоят йўлланишига олиб келди. Адлия вазирлиги Вашингтондаги апелляция судидан апелляция кўриб чиқилаётган вақтда материалларни беришни вақтинча тўхтатиб туришни сўраган.
Адлия вазирлиги демократларнинг ҳисоботнинг тўлиқ вариантини олишга ҳалал беришга уринмоқда. Вазирликдагиларнинг ҳисоблашича, катта ҳакамлик жюриси материалларининг фош этилиши жорий терговларга зиён етказади.
2019 йилнинг мартида махсус прокурор Роберт Мюллер жамоаси Россиянинг 2016 йил АҚШдаги президентлик сайловига аралаши эҳтимоли ҳақидаги маъруза устидаги ишларни якунлади. Икки йиллик тергов Москванинг Америка сайлов жараёнига таъсир кўрсатиш уринишларини кўрсатди. Аммо Доналд Трампнинг сайловолди штаби ва Кремл ўртасидаги алоқаларни терговчилар топишолмади. Айни вақтда Мюллер Трамп одил судга тўсқинлик қилишга уринганми, деган савол юзасидан аниқ хулосага келмаган. Москва бошқа давлатлардаги сайловларга ўзининг алоқадорлигини рад этмоқда.