Ссылки доступа

Божхона тартибини бузганлик учун жарима 50 бараваргача оширилади


Uzbekistan - Navoiy Customs Office before and After

Ўзбекистонда Божхона фаолиятини такомиллаштириш доирасида тартибни бузганлар учун "Маъмурий жавобгарлик тўғрисидаги кодекс"га жазони кучайтиришга қаратилган бир қатор ўзгартириш ва қўшимчалар киритилди.

Адлия вазирлиги "Ҳуқуқий ахборот" Telegram каналининг хабар қилишича, президент 2019 йилнинг 31 октябрида шу ҳақдаги қонунни имзолаган.

Қонунга мувофиқ, божхона маъмуриятчилиги такомиллаштирилиши муносабати билан Маъмурий жавобгарлик тўғрисидаги кодексга бир қатор ўзгартириш ва қўшимчалар киритилди.

Жумладан, Кодексга киритилган ўзгартиришларга кўра, муайян божхона режимига жойлаштирилган товарлар ва транспорт воситаларини ушбу божхона режими талабларига мувофиқ бўлмаган тарзда тасарруф этганлик учун, фуқароларга энг кам иш ҳақининг 20 бараваридан 30 бараваригача, мансабдор шахсларга эса — 30 бараваридан 50 бараваригача миқдорда жарима белгиланди.

Шунингдек, божхона расмийлаштируви тугалланмаган товарлар ва транспорт воситаларини тасарруф этганлик учун фуқароларга энг кам иш ҳақининг 20 бараваридан 30 бараваригача, мансабдор шахсларга эса — 30 бараваридан 50 бараваригача миқдорда жарима белгиланди.

Қонун расман эълон қилинганидан 3 ой ўтиб, кучга киради.

XS
SM
MD
LG