Нур-Султонда 12 ноябрь куни бўлиб ўтган анжуманда Назарбоев баёнот бериб, Зеленский бу каби учрашувга розилик билдирганини маълум қилди. Бироқ, Кремль Назарбоевнинг бу таклифига камроқ энтузиазм билан муносабатда бўлган кўринади. Россия президентининг матбуот котиби Дмитрий Песков сешанба куни журналистларга, Москва Украина-Россия муносабатлари “нормал ўзанга тушишини” исташини айтар экан, бироқ бу ишни «Киев томонидан бўладиган ўзаро келишувларсиз амалга ошириб бўлмаслигини» таъкидлади.
«Сўзсиз, Путин… учрашув учрашув ўтказиш учунгина ўтказилиши кам фойда келтиради, деган фикрда, учрашувларга жиддий тайёргарлик кўриш керак … Бизнинг ҳаммамиз “норманд формати”га тайёргарлик кўраяпмиз», — дея баёнот берди Песков, Украина, Россия, Франция ва Германия етакчиларини бирлаштирган форматни эслатар экан. Бу формат Украина шарқидаги вазиятни барқарорлаштиришни ўз олдига мақсад қилиб қўйган.
Россия ва Украина ўртасидаги муносабатлар 2014 йилда Москва Украинанинг Қрим ярим оролини аннексия қилганидан кейин ва Украина шарқидаги Луганск ва Донецк вилоятларидаги россияпараст айирмачиларни қўллаб-қувватлашидан кейин кескинлигича қолмоқда.
«Агар уларга [Путин ва Зеленский] бетараф майдон керак бўлса, мен Қозоғистонни таклиф қилган бўлардим», — дея баёнот берди Назарбоев.