Оятуллоҳ Али Ҳоманаийнинг баёноти мамлакат бўйлаб давом этаётган намойишчилар ва куч ишлатиш салоҳиятига эга идора ходимлари ўртасидаги тўқнашувлардан сўнг берилди.
Шу билан бирга Эроннинг катта қисмида, жумладан пойтахт Теҳроннинг айрим жойларида интернетга кириш блоклангани ҳақида хабарлар тарқатилди. Бу ҳақда жаҳон бўйлаб интернетга киришни назорат қилувчи мустақил нохукумат ташкилоти маълум қилди.
АҚШ давлат департаментининг расмий вакили Морган Ортагус 16 ноябрь куни Twitter'да АҚШ эронликларни қўллаб-қувватлаши борасида баёнот берди. «АҚШ хокимиятдаги коррупсиялашган режимга қарши чиқаётган жафокаш Эрон ҳалқини қўллаб-қувватлайди. Биз интернетга киришни ўчириб қўйишга бўлган уринишни қоралаймиз. Улар гапириши керак!» - дея ёзди Ортагус.
Норозилик намойишчиларини АҚШ томонидан қўллаб қувватланиши Эрон ички ишлар вазири Абдолреза Раҳмани Фазли давлатга тегишли телевидения орқали чиқиш қилиб, агар аксилҳукумат намойишлари “жамоат мулкига зарар етказгудек бўлса” хавфсизлик кучлари хотиржамликни сақлаш учун ҳаракат қилиши борасида баёнот берганидан сўнг келди.
Эрондаги норозиликлар15 ноябрь куни ҳукумат бензин харид қилиниши чекланиши ва бензин нархигасубсидия қисқариши борасида эълон қилганидан сўнг бошланиб кетди.
Мамлакат жанубий-шарқидаги Сирджан шаҳрида 16 ноябрь куни бир киши ҳалок бўлди, шунингдек тасдиқланмаган хабарларга кўра, бошқа шаҳарларда, масалан Бехбехан, Исфахон ва Мериванда тўрт киши вафот этган. Салкам 50та шаҳарда намойиш ўтаётгани ҳақида хабарлар келмоқда.
Катта энергия заҳираларига эга Эронда ҳамон ҳукумат томонидан субсидияланаётгани боис ёқилғи нархлари арзонлигича қолмоқда. Бироқ, Эронда қайта ишлаш қуввати етишмаяпти, шу сабабли мамлакат ўзининг ёқилғига бўлган ички талабини қондиришга ҳаракат қилиб келади. Халқаро санкциялар нефтни қайта ишловчи заводларни таъмирлаш ва модернизация қилиш учун деталлар олиб киришни чеклагани боис муаммо кескинлашмоқда.
АҚШ Президенти Дональд Трамп шу йил бошларида Эронга нисбатан яна иқтисодий санкцияларни жорий қилди. У Теҳронни 2015 йилда эришилган ядровий битимни бузганликда айблади. Унинг айтишича, Эрон ўзининг ракета дастури устидаги ишларни давом эттирмоқда экан. Давлат телевидениеси орқали қилган чиқишида Ҳаменеи номини тилга олмаган ҳолда ажнабий кучларни саботажда айблади ва хавфсизлик кучларини “ўз вазифаларини бажариш”га чақирди, шу билан бирга у тафсилотлар ҳақида тўхталиб ўтмади.
Эронликлар ижтимоий тармоқларда норозилик намойишларида иштирок этмасликлари юзасидан суд идораларидан таҳдидли мактублар олганликлари юзасидан маълум қилдилар. Бу хабарларда норозилик намойишлари “ноқонуний” дея аталади ва митинглар иштирокчилари жавобгарликка тортилишлари эҳтимолидан огоҳлантириладилар.