Ильхом Исмоновтың ісі 9 жыл бұрын Худжандта болған оқиғаны еске түсіреді. 2010 жылдың қыркүйек айында теракті болып, 4 азамат қайтыс болып, 26 адам жараланған.
Осы оқиғадан кейін Илхом Исмонов 2010 жылдың қараша айында терактіні ұйымдастырды деген айыппен ұсталып, 8 жылға сотталған. Ол БҰҰ-ның Адам құқықтары жөніндегі комитетіне хат жазып, терактіге ешқандай қатысы жоқ екенін, оны түрмеде ұрып-соққанын, қазір жүре алмай қалғанын баяндаған. Оны ұстаған кезде, жеті күн бойы ұрып-соғып, жанына адвокат та жібермеген.
Тәжікстан үкіметі болса бұл іске қатысы бар екі милиция офицерінің жауапқа тартылғанын мәлімдеді. Бірақ олардың кімдер екені айтылмайды.