Мактубда қайд қилинишича, «Қирғизистон фуқаролари мамлакатдан 700 млн доллар олиб чиқиб кетилиши тергов қилинишини талаб қилмоқда». Фаоллар бешта талабни, жумладан ҳуқуқ тартибот идоралари раҳбарларининг истефога чиқиши, ҳамда мамлакатдан 700 миллион долларни олиб чиқиб кетиш схемасига алоқадор барча шахслар жавобгарликка тортилишини илгари суришди.
21 ноябр куни «Азаттық» радиоси коррупция ва уюшган жиноятчиликни тадқиқ қилиш Маркази (OCCRP) ва Kloop.kg сайти билан ҳамкорликда ўз суриштирувларининг иккинчи қисмини чиқарди, унда Қирғизистондан камида 700 млн доллар олиб чиқиб кетилгани таъкидланади. 10 ноябрь куни Истанбулда журналистик суриштирув фигурантларидан бири – келиб чиқиши уйғур бўлмиш хитойлик бизнесмен Айэркен Саймаити ўлдирилди. У журналистларга фирибгарликка Давлат божхона хизмати раҳбарининг собиқ ўринбосари Райимбек Матраимовнинг оиласи аралашиб қолганини айтган эди.
Райимбек Матраимовнинг ўзи баёнот бериб, хориждан Қирғизистонга қайтиб ўзи ҳақидаги барча саволларга жавоб беришга тайёрлигини маълум қилди. Бу ҳақда 24 ноябрь куни «Фейсбук»даги ўзининг саҳифасидаунинг акаси, Жоғорку Кенеш депутати Искендер Матраимовнинг мурожаатида таъкидланган. Райимбек Матраимовнинг қўшимча қилишича, «Азаттиқ»да эълон қилинган материаллар нотўғри ва буни исботлаши мумкин.
25 ноябрь куни Бишкекдаги марказий майдонда #Reакция номи остида коррупцияга қарши тинч митинг бўлиб ўтди. Унинг иштирокчилари ҳукуматга мурожаат қилиб божхона тизимида коррупцияга барҳам беришга ва реал ислоҳотлар ўтказишга чақирди.