Ақпаратқа сәйкес, өзбекстандықтар Оңтүстік Кореяда жұмыс істеу үшін Navoiy xususiy bandlik agentligi компаниясына қайрылған. Компания өкілдері онда айына 2 мың доллар айлық аласыңдар деп уәде беріп, 211 адамнан 3 миллион сумнан (300 доллар) ақша жинап алған. Бірақ оларды ешқайда жібермеген.
Қазір Өзбекстанның еңбек министрлігі Navoiy xususiy bandlik agentligi компаниясының лицензиясын тоқтатты.
Тексеру барысында лицензиясы бар 65 жекеменшік агенттіктің 30-ының жұмысшыларды шетелге жібермей, алдап келгені анықталған.
Сонымен бірге штаб пәтері Ташкентте орналасқан үш корей агенттігінің жұмысы тоқтатылған.
Korea & Migrations компаниясы азаматтардан 32 400 000 сум жинаған. Бірақ бірде-бір жұмысшыны шетелге жібермеген.