Ссылки доступа

Трампни импичмент масаласида эшитувларга таклиф қилишди


АҚШ Конгресси Вакиллар палатасининг Юридик қўмитаси келаси ҳафтада президент Дональд Трампнинг импичменти масаласида эшитувларни бошлайди.

Қўмита раҳбари Джеррольд Надлер чоршанба куни 4 декабрдаги эшитувларда Трамп келишини таклиф қилиб Оқ уйга мактуб юборди. Президент шахсан ўзи келиши, ёки вакилини юбориши ҳам мумкин.

Мактубда таъкидланишича, мажлисда Трампнинг импичменти учун конституциявий асослар бор ёки йўқлиги - жумладан, президентнинг ҳаракатлари АҚШ конституциясида қайд қилинган жиноятларга мос келиш-келмаслиги муҳокама қилинади. Бунинг учун Конгрессга юристлар, конституциявий хуқуқ бўйича экспертлар таклиф қилинди.

Трамп ҳозирча Конгресснинг таклифига муносабат билдирмади. Бундан аввал у бир неча бор ўзининг импичменти эҳтимолига оид суриштирувларни танқид қилган эди.

Чоршанба куни Миннадорлик куни арафасида президент куркани афв қилиш анаънавий тадбирида импичмент масаласида ҳазиллашди. Оқ уй боғида чиқиш қилган Трамп курка “ҳар қандай шароитларда” босиқ бўлиш учун тарбияланганини айтди.

"Энг муҳими улар [куркалар] пайшанба куни Адам Шиффнинг ертўласида пайдо бўлишлари борасида чақирувнома олишди", - деди президент Вакиллар палатасининг разведка ишлари бўйича қўмитаси раисини назарда тутиб. У импичмент масаласида гувоҳлар билан суҳбатлашган эди.​

Суриштирувматериалларини юридик қўмитага берилиши импичмент масаласидаги тергов якунланиб бораётганини англатади. Юридик қўмита тўпланган далилларни баҳолаши керак, агар Трамп мансабидан озод қилиниши керак, деган хулосага келса, у ҳолда импичмент моддасини тузади ва Вакиллар Палатасига овоз бериш учун тақдим қилади.

Трамп сиёсий фойда кўриш мақсадида - жумладан 2020 йилги сайловларда ўзининг асосий рақиби Жо Байденга зарба бериш мақсадида Украина раҳбариятига босим ўтказишда гумон қилинмоқда.

XS
SM
MD
LG