Ссылки доступа

Ташкент мэринин журналисттерди опузалаган сөздөрүнөн кылмыштын белгилери табылган жок


Өзбекстандын Башкы прокуратурасы Ташкенттин мэри Жахонгир Артыкхожаевдин журналисттерди опузалаганы жаздырылган аудио боюнча текшерүүнүн жыйынтыктарын жарыялады.

Мекеменин билдирүүсүндө аткаминердин сөздөрү «конкреттүү бир адамга багытталбагандыктан жана эч кимге коркунуч туудурбагандыктан», анда «кылмыштын белгилери жок» деген бүтүм чыгарылганы жазылган.

16-ноябрда интернетке тараган аудиожазууда аткаминер Kun.uz сайтынын журналисттерин жок кыларын жана аларды элге кумса катары жарыялай турганын айткан.

18-ноябрда аталган сайт Жахонгир Артыкхожаев менен болгон талаш-тартыш жөнгө салынганын маалымдаган. Бирок ошол эле күнү басылманын эки журналисти жумуштан өз каалоосу менен кеткенин билдиришкен.

Видео

XS
SM
MD
LG